TRƯỜNG ĐẠI HỌC SƯ PHẠM THÁI NGUYÊN

Khoa Giáo dục mầm non

Faculty of Preschool Education

THAI NGUYEN UNIVERSITY OF EDUCATION (TNUE)

ມະຫາວິທະຍາໄລສ້າງຄູ-ມະຫາວິທະຍາໄລທ້າຍຫງວຽນສະຖາບັນແຫ່ງການສຶກສາຂອງນັກສຶກສາລາວໃນຫວຽດນາມ

ມະຫາວິທະຍາໄລສ້າງຄູທ້າຍຫງວຽນສ້າງຕັ້ງຂຶ້ນເມື່ອປີ 1966, ຫຼັງຈາກສ້າງຕັັ້ງ ແລະ ພັດທະນາໄດ້ເກືອບ 60 ປີ, ມາຮອດປະຈຸບັນ, ມະຫາວິທະຍາໄລສ້າງຄູ-ມະຫາວິທະຍາໄລທ້າຍຫງວຽນໄດ້ກາຍເປັນເຄື່ອງໝາຍໃນການຝຶກອົບຮົມຄູອາຈານ ແລະ ພະນັກງານບໍລິຫານການສຶກສາທີ່ມີຄຸນນະພາບ, ເປັນໜຶ່ງໃນບັນດາມະຫາວິທະຍາໄລສ້າງຄູແຖວໜ້າຂອງຫວຽດນາມ.

ມະຫາວິທະຍາໄລໃຫ້ຄວາມສຳຄັນກັບການພັດທະນາສາຍພົວພັນການຮ່ວມມືລະຫວ່າງປະເທດສະເໝີ. ປະຈຸບັນ, ມະຫາວິທະຍາໄລມີການພົວພັນການຮ່ວມມືກັບເກືອບ 20 ປະເທດທົ່ວໂລກ. ໃນນັ້ນ, ການຮ່ວມມືດ້ານການສິດສອນ ແລະ ບຳລຸງບຸກຄະລາກອນທີ່ມີຄຸນນະພາບໃຫ້ກັບ ສປປ ລາວ ໄດ້ຖືກຕັ້ງເປັນເປົ້າໝາຍຫຼັກ: ໃນໄລຍະຫຼາຍກວ່າ 20 ປີຂອງສິດສອນ, ມະຫາວິທະຍາໄລໄດ້ຝຶກອົບຮົມໃຫ້ນັກສຶກສາລາວເກືອບ 2000 ຄົນໃນແຕ່ລະລະດັບຄື: ປະລິນຍາເອກ, ປະລິນຍາໂທ, ປະລິນຍາຕີ, ກຽມພາສາຫວຽດນາມ ແລະ ຫຼັກສູດ 2+1+1. ດ້ວຍຜົນງານທີ່ກ່າວມາຂ້າງເທິງນັ້ນ, ມະຫາວິທະຍາໄລໄດ້ຮັບກຽດຂຶ້ນຮັບຫຼຽນໄຊມິດຕະພາບຂອງລັດຖະບານລາວຈຳນວນ 2 ຄັ້ງເປັນດັ່ງຄຳຮັບຮອງທີ່ແທ້ຈິງທີ່ສຸດ.

ເປັນຫຍັງເຈົ້າຄວນເລືອກມະຫາວິທະຍາໄລສ້າງຄູທ້າຍຫງວຽນ?

ມະຫາວິທະຍາໄລນີ້ເປັນໜຶ່ງໃນມະຫາວິທະຍາໄລຫຼັກຂອງຫວຽດນາມ;
ຫຼັກສູດການຮຽນທີ່ຫຼາກຫຼາຍ (19 ຫຼັກສູດປະລິນຍາຕີ, 26 ຫຼັກສູດປະລິນຍາໂທ, 13 ຫຼັກສູດປະລິນຍາເອກ);
ຄູອາຈານທີ່ມີລະດັບການສຶກສາສູງ: 350 ຄົນ(ໃນນັ້ນມີສາສະດາຈານ ແລະ ຮອງສາສະດາຈານຫຼາຍກວ່າ 40 ຄົນ, ປະລິນຍາເອກກວ່າ 170 ຄົນ);
ສະພາບແວດລ້ອມການສຶກສາທີ່ຫຼາກຫຼາຍດ້ານເຊື້ອຊາດ ແລະ ວັດທະນະທຳ: ນັກສຶກສາລາວ 200 ກວ່າຄົນ, ມົງໂກລີ, ໂມຊັມບິກ, ໄນຈີເຣຍ, ໄທ, ໄຕ້ຫວັນ, ຈີນລ້ວນແລ້ວແຕ່ໄດ້ຮັບການສິດສອນຢູ່ທີ່ສະຖາບັນແຫ່ງນີ້;
ຕຶກອາຄານຮຽນທີ່ທັນສະໄໝ: ມີເນື້ອທີ່ກວ່າ 15,8 ເຮັກຕາ, ຫໍສະໝຸດອອນລາຍ, ຫ້ອງຮຽນມີອຸປະກອນການຮຽນທີ່ຫຼາກຫຼາຍ, ເດີ່ນກິລາໃນຮົ່ມ, ສະລອຍນໍ້າ, ຫໍພັກ, ເດີ່ນຕີບຸນສຳລັບນັກສຶກສາລາວ;
ປະສົບການຫຼາຍປີທີ່ໜ້າເຊື່ອຖື, ຄຸນນະພາບໃນການສ້າງບຸກຄະລາກອນລາວ: ຝຶກອົບຮົມແຕ່ປີ 2010 ຮອດປະຈຸບັນໄດ້ຝຶກອົບຮົມເກືອບ 2000 ນັກສຶກສາລາວ, ກຳລັງຝຶກອົບຮົມເກືອບ 200 ນັກສຶກສາລາວທຸກລະດັບ: ກຽມພາສາຫວຽດ, ເຊື່ອມຕໍ່ຊັ້ນສູງຂຶ້ນປະລິນຍາຕີ, ປະລິນຍາຕີ, ປະລິນຍາໂທ, ປະລິນຍາເອກ;
ຄ່າໃຊ້ຈ່າຍສົມເຫດສົມຜົນ: ຖືກກວ່າ 30%-40% ເມື່ອທຽບກັບນະຄອນຮ່າໂນ່ຍ, ນະຄອນໂຮຈີມິນ;
ທີ່ຕັ້ງພູມສັນຖານທີ່ສະດວກ: ຫ່າງຈາກຮ່າໂນ່ຍ 80Km-1,5ຊົ່ວໂມງ, ເດີນທາງດ້ວຍລົດໃຊ້ເວລາ 45 ນາທີໄປສະໜາມບິນໂນ່ຍບ່າຍ;
ກິດຈະກຳທີ່ຫຼາກຫຼາຍ, ມີຫຼາຍທຶນການສຶກສາໃຫ້ກັບນັກສຶກສາຕ່າງປະເທດ: ງານບຸນວັດທະນະທຳສາກົນ, ແຄ້ມລະດູຮ້ອນກ່ຽວກັບພາສາ-ວັດທະນະທຳຫວຽດນາມ, ງານບຸນປີໃໝ່, ທັດສະນະສຶກສາກ່ຽວກັບວັດທະນະທຳຊົນເຜົ່າຢູ່ດົງໂມ່, ຮ່າໂນ່ຍ, ຢ້ຽມຢາມອ່າວຮ່າລອງ;
ສອນພາສາຫວຽດ: ໄດ້ຮັບອະນຸຍາດຈາກກະຊວງສຶກສາທິການ ແລະ ກິລາຫວຽດນາມຕີລາຄາຕາມຄວາມສາມາດ 6 ລະດັບ ແລະ ໄດ້ອອກໃບປະກາດສະນີຍະບັດຕາມຫຼັກສູດ.

ມະຫາວິທະຍາໄລສ້າງຄູທ້າຍຫງວຽນໄດ້ຮັບຄວາມເອົາໃຈໃສ່ຈາກບັນດາສະຖາບັນການສຶກສາລາວ, ສິ່ງນັ້ນໄດ້ສະແດງໃຫ້ເຫັນເຖິງການມາຢ້ຽມຢາມ ແລະ ເຮັດວຽກຂອງຄະນະຜູ້ແທນຂັ້ນສູງຫຼາຍທ່ານ, ກະຊວງສຶກສາທິການ ແລະ ກິລາລາວ, ສະຖານທູດລາວທີ່ຫວຽດນາມ, ບັນດາອົງການຈັດຕັ້ງ ແລະ ມະຫາວິທະຍາໄລ, ວິທະຍາໄລ.

ຄະນະຜູ້ແທນສະພາແຫ່ງຊາດລາວ ໄດ້ໄປຢ້ຽມຢາມມະຫາວິທະຍາໄລ

ຄະນະຜູ້ແທນຄະນະບໍລິຫານງານສູນກາງສະມາຄົມມິດຕະພາບລາວ-ຫວຽດນາມ ໄດ້ໄປຢ້ຽມຢາມ ແລະ ເຮັດວຽກຢູ່ມະຫາວິທະຍາໄລ

ຄະນະທ່ານເອກອັກຄະລັດຖະທູດ ໄດ້ໄປຢ້ຽມຢາມ ແລະ ເຮັດວຽກຢູ່ມະຫາວິທະຍາໄລ

ຄະນະຜູ້ແທນສະຖາບັນພັດທະນາອາຊີວະສຶກສາ, ກະຊວງສຶກສາທິການ ແລະ ກິລາ ແຫ່ງ ສປປ ລາວ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ ມະຫາວິທະຍາໄລສ້າງຄູ

ມະຫາວິທະຍາໄລໄດ້ຢ້ຽມຢາມ ແລະ ເຮັດວຽກຢູ່ລາວ

ມະຫາວິທະຍາໄລສ້າງຄູທ້າຍຫງວຽນໄດ້ສະແດງຄວາມຍິນດີ ເນື່ອງໃນໂອກາດວັນຊາດຂອງ ສາທາລະນະລັດ ປະຊາທິປະໄຕ ປະຊາຊົນລາວ

ມະຫາວິທະຍາໄລໄດ້ຝຶກອົບຮົມນັກສຶກສາລາວເກືອບ 2.000 ຄົນໃນແຕ່ລະລະດັບຄື: ປະລິນຍາເອກ, ປະລິນຍາໂທ, ປະລິນຍາຕີ, ກຽມພາສາຫວຽດນາມ ແລະ ລະບົບ 2+1+1, ພ້ອມທັງຈັດຕັ້ງການສອບເສັງຈົບພາສາຫວຽດນາມໃຫ້ແກ່ນັກສຶກສາລາວ.

ມະຫາວິທະຍາໄລສ້າງຄູທ້າຍຫງວຽນ ໄດ້ຈັດກິດຈະກໍາສໍາລັບນັກສຶກສາລາວເປັນປະຈໍາ

ມະຫາວິທະຍາໄລຈັດກິດຈະກຳມອບຂອງຂວັນໃຫ້ນັກສຶກສາຢູ່ຕ່າງປະເທດ ເນື່ອງໃນໂອກາດບຸນປີໃໝ່ລາວ 2022; ໃນໄລຍະການແຜ່ລະບາດຂອງພະຍາດໂຄວິດ-19 ທີ່ກຳລັງແຜ່ລະບາດຢ່າງຫນັກຫນ່ວງ, ທາງໂຮງຮຽນໄດ້ບໍລິຈາກຜ້າອັດດັງ, ນ້ຳຢາຂ້າເຊື້ອພະຍາດ, ມອບອາຫານໃຫ້ແກ່ນັກສຶກສາຕ່າງປະເທດ, ຈັດຕັ້ງຮັບ-ສົ່ງນັກສຶກສາຕ່າງປະເທດທີ່ກຳລັງກັກໂຕຢູ່ຊາຍແດນ.